我最喜愛歌手

孫燕姿可算是我第一個喜歡的女歌手 , 在中四五的時候就被她那獨特的聲線及感染力所吸引。但燕姿總會給我一種可望而不可及的感覺 , 彷彿只存在於理想當中。後來到中六七時候 , 有一段時期我是頗喜歡容祖兒 , 她很多歌的旋律也很好聽 , 最重要是感覺比較親切 , 可能是因為香港歌手的關係吧, 亦因為那時香港樂壇會唱歌和歌好聽的不多。一直到上大學後 , 聽的歌多了 , 發覺有很多歌手的歌也很不錯。亦從那時開始 , 祖兒的負面新聞愈來愈多 , 更重要的是她的歌亦愈來愈不好聽 , 因此開始很少聽她的歌。而有趣的是 , 那時因機緣巧合 , 我又重聽燕姿的歌。這時我發現 , 似乎孫燕姿給我的感覺是最好 , 縱使感覺很遙遠。直到大學畢業後 , 偶然的機會下接觸了周杰倫。其實從七里香開始已經有聽周董的歌 , 但一直一隻起兩隻止 , 後來的千里之外 , 青花瓷 卻成為的其中一段時間最愛的歌。早期的周杰倫的歌給我感覺是很rap , 但最近聽的似乎有更多的東西。好像楓 , 不能梳的咪咪都很好。但對我而言 , 認識周董尚淺 , 耍有一段時間才知道他到底是怎樣的人。但無論如何 , 喜歡燕姿的感覺 , 應該不會變吧~

不過 , 不管怎樣 , 陳醫神 , MK鋒 , Stephy Tang , 依然常在我心 , 這些人才是歷久不衰呢~

在巴西第二大城市里約熱內盧，南部山邊貧民窟住有逾 100萬人，當局正在該處築起 19幅 3米高的圍牆（箭嘴示），阻止貧民窟面積不斷擴大，並將貧民窟及有錢人聚居的地方分隔開來，令當地貧富懸殊問題日益嚴重。
英國《泰晤士報》

-----------------------------------------------------------
香港的新市鎮建設堪與之相輝映，只是沒有巴西般來得赤裸罷了～

財案

昨天，品客薯片發表了新一輪的 "利民紓困" 措施。小弟家庭最大得益當然是公屋免租兩個月。但傳聞中的消費券始終未有出爐。其實此次財案仍舊用老調子，以派糖等一次性措施解決政府聲望持續下降等問題。品客薯片於記者會當中強調沒有政治含意，很有欲蓋彌彰的感覺。

現時的政府給我感覺是很沒有誠意改善香港人的生活環境。每次當香港人怨氣累積到一定程度，便會使用一些一次性的措施出來平息民怨，周以復始地使用。他們壓根兒就沒有打算從制度上作出變革。現時香港人面對一個逆境，最需要的是重建信心，而不是這些公關技巧。

辦事處每日均有居民問有沒有失業補助。的確，香港現時除了綜援以外，根本沒有任何其他社會福利可以幫到一些失業人士。沒有失業保障制度，令到香港打工仔只能淪為被僱主剝削的奴隸。因為大家都客怕失去工作，然後失去尊嚴。其實如果政府不想對基層負擔，其實大可鼓勵市民購買失業保險。但政府令這一步也不願意去做。遇到問題，就只懂推諉，然後補獲。補完以後從不檢討制度問題。每次出事就只懂使用公關技巧，矇混過關。

這次品客薯片的措施對一些真正有需要，即因金融海嘯失去工作的人完全沒有幫助。而出人意表地竟然為綜援人士發放多一個月津貼。於通脹增加綜援金額，我是絕對支持的。又或放寬申請綜援資格我亦是支持的。問題是發放多一個月津貼我就完全不能理解，亦想不到為何有此需要？

最後，記得品客薯片多次強調在香港低稅率及簡單稅制下，要有節制地使用公帑，不能給予太多社會福利。對此本人深感認同。既然如此，我認為最簡單的方法就是加稅加稅再加稅。然後全面提高本港社會保障。此就可以解決到薯片多次提及的問題：錢從何處來？

致各喜歡到中國旅行的朋友

小弟屋企人剛從河南洛陽返黎，並同我講被騙(屈)左幾千蚊。詳情如下：

話說小弟媽媽同幾位親戚o係復活節假去洛陽玩,屬自由行性質。其中一日去左嵩山少林寺睇，一路都冇特別。後來，佢地去到寺內一座叫咩羅漢堂之類o既野拜，當時入面o既和尚同佢講可以去燒衣。我媽咪知道大陸都係信唔過，問晒幾多錢，佢話10蚊，咁我媽咪覺得ＯＫ，就拎左去拜同燒。點知燒之前，突然有個和尚走出黎話要先祈福，冇等我媽咪同意就念左幾句經，之後搶左我媽咪份衣紙去燒。之後衰野就黎。佢同我媽咪講，祈左福，要比香油，咁我媽咪見佢好似真係念左野，就比左100人仔佢，點知佢話唔得，最少300，咁我媽咪心諗，唉算啦...少少錢...就真係每人比左300佢。之後佢領左我媽咪佢地去左一間佛堂，入面坐左個和尚，之後我媽咪佢地一個個咁被叫去傾計，話咩算大運之類。我媽咪被佢算左一陣，講左ｄ幾句就要我媽咪比錢。咁我媽咪打算比５００啦，點知佢話唔得，佢條命要比４位數。之後我媽咪話冇咁多錢，同唔想比。點知個和尚話唔比的話要有惡運，有血光之災，之後從後堂黎左４個後生和尚。其中一個和尚仲同我媽咪講話，算命就要比錢，唔係唔比走。結果我媽咪佢地一行３人，比佢地咁樣屈左７５００，因為佢地強行ｏ係本香油簿上，５００蚊前寫多個２字。

唉...本來我媽咪都想追究，但諗深下，又可以點呀...佢夠膽夠做，一定有人包庇，投訴最後可能都係自找麻煩。所以而家我只能o係度叫大家一句：小心小心。

我

最近同友人傾計，得出左一個令我好意想唔到o既結果，就係友人覺得我係一個幾花心o既人。一路以來我都好唔認同自己係一個花心o既人，原因有幾個：1.從來花心都係靚仔靚女ｏ既專利，呢少少o既自知之明我都仲有o既。2.花心要有錢。以我呢個窮光蛋黎講，就算有心都無力。所以我一直都唔認為自己會比人一個花心o既感覺，最少自己亦不可能花心。後來傾返，原來佢覺得我係一個口花花o既人，所以比佢咁ｏ既感覺(佢咁覺係因為佢唔識Ivan，唔知咩叫口花)。老實講，我自問係一個對感情幾認真o既人，老婆同女朋友可以係同義詞。舉個簡單例子，女朋友同老婆就等於資本主義同社會主義ｏ既關係，經過資本主義之後再進入社會主義，係一個過程。

當然，經過左上一段失敗ｏ既戀愛經驗(我形容失敗係因為最後都唔能名開花結果)，我明白到我自己真係有好多缺點。其中最重要就係 - 欣賞。我算係一個幾典型o既處女座，我對身邊人要求好嚴格，總喜歡雞蛋裡挑骨頭，所以同時對身邊人產生好大壓力。所以同時，大家見我成日對個社會，政府，以致生活間所有事都滿肚牢騷，好大程度上係性格使然。但呢種性格，對一段關係黎講並唔係咩好事(相反對我工作就唔錯)，因為好容易會有磨擦。所以我而家好努力去學習另一樣野，就係appreciation－欣賞。工作上要多欣賞義工，朋友間要多欣賞對方。亦希望下一段戀情黎ｏ既時候會多欣賞佢，搵下對方優點。咁樣先可以長久咁建立關係。

講返花心，另一方面，我好討厭做人兵仔，我好強調一樣野，唔鍾意唔緊要，男歡女愛，你情我願。最重要係唔好比對方有多餘幻想，成日欲拒還迎咁算乜？你係對對方有意思，覺得對方係一個可以發展ｏ既人，先好向對方釋出善意。太好心，唔拒絕最終只會令對方傷得更深。我深信，你拒絕得對方愈直接，對方愈容易抽身。所以我好衷心同我身邊所有女性朋友講，唔好做收兵呢ｄ咁缺德o既行為(做老師果幾位，收男學生做兵又例外，我好鼓勵女老師收兵仔)。好彩我身邊靚女真係唔少，又未見到有邊位係成日想收兵。

最後，我都想同果位朋友講聲，我出街成日周圍望唔係(單純)為左"目及女"，我係留意緊身邊發生緊咩事，有咩變化。即使退一萬步，男士上街睇靚女並唔代表佢出軌，正等於女仔見到靚野都會望多兩眼，That's it.仲有，老實講，有時見到ｄ自暴其短ｏ既人我都會望兩眼，然後心諗:嘩，做乜Ｘ呀？

浸大竟要學生證明 並無向本報投訴
(星島)4月3日 星期五 06:30

(星島日報 報道)本報收到浸大將宿舍二人房改成三人房解決行政失誤的投訴後，按程序向浸大傳訊公關處求證，但在查證期間，竟接獲多名浸會大學 宿生求助，指校方要求學生向本報索取證明信件，證明自己未有向本報投訴，否則或會剝奪他們列席舍監會的機會。他們均憂慮若未能證明自己「清白」，會影響在大學的個人紀錄。

　　向本報求助的宿生表示，校方於前日召見四個舍堂的宿生會幹事，嘗試找出向本報投訴的學生。他們均向校方表示，未有向本報投訴，校方遂要求他們聯絡本報，要求本報發出信件或刊登啟事，以證明他們「清白」，否則或會剝奪他們列席舍監會的機會。

　　其中一名宿生對本報表示感到憂慮，「自己並無作出投訴，又不知道校方如何處理事件，很擔心事件會令在學紀錄被『畫花』。」

　　本報向浸大傳訊公關處查證上述事件，浸大發言人承認，該校蔡元培堂舍監陳茂釗曾向宿生了解事件。

　　不過，發言人解釋謂，由於同學否認向本報投訴，故該校擔心有人冒認有關學生身分，影響學生及舍堂聲譽，故才建議有關學生要求本報澄清。

-------------------------------------------------------------
連投訴都要被審查 , 唔怪之得當年同牛丸劍青佢地貼野o係民主牆 , 第2日即刻收到電話 , 話要了解事件啦....

Just for fun , no offence...